Assalamu’alaikum Wr. Wb.
Ingkang kinurmatan wonten palenggahan Bapa Sukardi
minangka dewan juri sekar macapat.
Ingkang kula hurmati Ibu Sri Sukasih ugi minangka
dewan juri sekar macapat.
Lan ingkang kula tresnani para kadang wreda muda
mahasiswa PGSD FIP Unnes.
Sakderengipun kita miwiti lomba macapat punika mangga
kita sesarengan ngaturaken puji syukur wonten ngarsanipun Gusti Allah SWT awit
sih nugrahanipun sakpunika kita saget makempal wonten panggenan punika kanthi
raharja mboten kirang satunggal punapa. Sakderengipun kula maosaken cak-cakaning
adicara lomba macapat, kula badhe maos tata cara lomba macapat (maos tata cara lomba). Sakpunika tata
caranipun, dene cak-cakaning adicara lomba macapat inggih punika
1. Pambuka
2. Nyekar macapat saking peserta minurut nomer undi ingkang sampun
dipun temtokaken.
3. Tanggap wacana saking dewan juri
4. Panutup
Mangga kita lumampah adicara ingkang sepindah inggih
punika pambuka. Para rawuh ingkang minulya, mangga kita sesarengan mbikak
adicara punika kanthi waosan Basmallah .
Bismillahirrohmanirrohiiiiiim
Matur nuwun
Adicara ingkang kaping kalih inggih punika nyekar
macapat saking peserta miturut nomer undi ingkang sampun dipun temtokaken.
Dhumateng peserta kanthi nomer undi 1 wedal lan papan
kula sumanggakaken.
(nyekar
macapat)
Matur nuwun
Salajengipun peserta kanthi nomer undi .... kula
sumanggakaken.
Lst.
............................
Sakpunika sekaran macapat saking sedaya peserta.
Adicara ingkang kaping tiga tanggap wacana saking
dewan juri. Dhumateng Bapa Sukarda wekdal kula sumanggakaken.
.................................
Maturnuwun sanget dhumateng Bapa Sukardi ingkang
sampun maringi piwulangan dhumateng kita sedaya. Lumampah wonten pungkasaning
adicara kula minangka moderator ngaturaken agenging panuwun dhumateng para
rawuh khususipun dewan juri ingkang sampun kersa nglonggaraken wekdal ngrawuhi
adicara punika.
Dhahar kupat ngagem santen, menawi lepat nyuwun
pangapunten.
.png)
0 komentar:
Post a Comment